എന്റെ മയില്‍പീലിക്ക്  

അഴകുള്ള മയില്‍‌പീലി …
നിന്നെ ഞാന്‍ എന്റെ  
പുസ്തകതാളുകള്‍ക്കുള്ളില്‍  സൂക്ഷിച്ചു
ആകാശം  കാണാതെ …
ഞാന്‍  അറിഞ്ഞിരുന്നില്ല    ആകാശം
നിനക്കേറെ പ്രിയപ്പെട്ടതാണെന്ന്
നിന്റെ  പ്രണയവും   പ്രതീക്ഷകളും
ഞാന്‍  അറിഞ്ഞിരുന്നില്ല
എന്നില്‍  ബാല്യവും   കൌമാരവും
യൌവനവും  കടന്നു  പോയി
ഏതോ  ബാല്യകാല  സ്മരണയുടെ
പ്രതീകം  പോലെ  നീ
ഇന്നും  എന്റെ  പുസ്തകതാളുകളില്‍
കാത്തിരിക്കുന്നു 
ആരുടെയോ  വരവിനായി